علم النفس، الألوان، والتصميم الداخلي (الجزء الأول)…

علم النفس، الألوان، والتصميم الداخلي (الجزء الأول)…علم النفس، الألوان، والتصميم الداخلي (الجزء الأول)…علم النفس، الألوان، والتصميم الداخلي (الجزء الأول)…علم النفس، الألوان، والتصميم الداخلي (الجزء الأول)…علم النفس، الألوان، والتصميم الداخلي (الجزء الأول)…علم النفس، الألوان، والتصميم الداخلي (الجزء الأول)…علم النفس، الألوان، والتصميم الداخلي (الجزء الأول)…علم النفس، الألوان، والتصميم الداخلي (الجزء الأول)…علم النفس، الألوان، والتصميم الداخلي (الجزء الأول)…علم النفس، الألوان، والتصميم الداخلي (الجزء الأول)…علم النفس، الألوان، والتصميم الداخلي (الجزء الأول)…

هل في علاقة بين علم النفس، والألوان، و التصميم الداخلي؟ هذا سؤال من زمان يطري على بالي ! مع البحث في الموضوع لقيت مقال عجبني و قلت حلو لو أشارككم فيه…راح أحاول أختصره لكم و على أجزاء  وفي كل جزء راح اتطرق للون معيّن مع بعض الأمثلة…

يقول الكاتب “إختيار الألوان لازم ما يكون بصوره عشوائية  لما الموضوع يتعلق في التصميم الداخلي. في وايد ناس يعتقدون إن الموضوع بسيط فا يختارون الألوان بصوره عشوائية فالنتيجة أحياناً تكون أوكي بس في معظم الأحيان يكون مبالغ فيهاو يخرب على الشكل العام بالبيت و تحسون إن في شي غلط !”

و بعد يقول “ إن ماكو مصمم اليوم  ما عنده علم بالألوان، وشنو تمشي معاه ! فمهم حتى لنا كمهتمين بالتصميم نعرف إن في حال جمعنا الألوان الأساسية (الأصفر والأحمر والأزرق) راح يصير عندنا ألوان ثانوية (الأصفر والأزرق والأخضر والأصفر والأحمر والبرتقالي والأزرق والأحمر والبنفسجي). و هم إذا خلطنا الألوان الأساسية و الثانوية راح نحصل على تدرّجات الألوان و اللي على ما أعتقد إن يسمّونها الألوان المتوسطة، و بعد ما عرفنا الألوان راح نعرف شنو يمشي مع شنو . علي سبيل المثال في الألوان الثانوية كل لون يمشي مع اللون المقابل له في دائرة الألوان ”

دخلنا بالجد ! ما عليه إستحملونا…

يقولك “ في بعض الناس تشوف الألوان الباردة (و اللي عادةً تكون بين الأزرق و الأخضر في دائرة الألوان)، و ناس تشوف الألوان الدافية (و اللي عادةً تكون بين الأصفر و الأحمر في دائرة الألوان). و الألوان عموماً ممكن تنعشنا، تفرحنا، تحسسنا بالهدوء، تذكرنا بأشياء معيّنة. و ممكن بعض الألوان تضيق خلقنا، تنرفزنا، تزعجنا بعد فترة. فاحرص في إختياراتك لان بالنهاية البيت بيتك و أنت المهم اللي ترتاح فيه.”

عطانا الكاتب 3 نصائح ناخذها بعين الإعتبار قبل لا نختار اللون اللي نبيه…
1- قدّر الوقت اللي راح تقضيه في الغرفة نفسها باليوم، و شنو النشاط اللي ممكن تسويه فيها (مثلا بتاكل فيها، تشوف تلفزيون، أو قراءة) عشان تحدد مود اللون اللي ممكن تحطه.
2- شوف إذا للشمس مدخل على الغرفه و متى الصبح أو العصر. ( و طبعاً هذا يعتمد على موقع الغرفة بالبيت).
3- شوف حجم الغرفة، إذا صغيره يفضّل تختار ألوان فاتحة لأنها تعطي إحساس بالوسع. أما إذا الغرفة كبيره تقدر تحط ألوان غامقة لأنها تصغّر حجم الغرفة.

و يقول “ إن الناس يشوفون الألوان مختلفة و تستجيب لها بنفس الطريقة، لكن يختلف أثر كل لون على كل شخص ! فمثلاً في ألوان تذكّر ناس في أشياء حلوة، و نفس الألوان تذكّر غيرهم بأشياء تضيق الخلق…و الزبدة أن في حال إستخدام علم النفس في ألوانك و تصميمك الداخلي، ما في شي يضمن لك إن كل من دخل بيتك بيحس مثل ما إنت تحس…” و أنا أعتقد بما إن بيتك فا إنت المهم…

أول لون راح يكون معانا اهو اللون البني:

اللون البني يعطي شعور بالراحة و الطبيعة بالبيت. ما نشوف هاللون في في دائرة الألوان بالعادة و ذلك لأنه خليط من الأصفر،الأسود، والرمادي، والأخضر، والأحمر، والبرتقالي والبنفسجي، و يعتبر لون محايد. و لأنه لون موجود بالطبيعة  و الأرض يقولك يعطي إحساس بالإستقرار و الأمن ! و في حال إستخدامه في التصميم الداخلي فإنه يعطي عمق و دفء للمكان من خلال الأثاث  أو الأرضيّات، و إذا إستخدمت الخشب (المعتّق) مع بعض الصوف ممكن يعطي إحساس ريفي لطيف.

 

 

 

 

 

 

 

 

 

المصادر:

 

 

Share via email

Tags: , , ,

3 Responses to “علم النفس، الألوان، والتصميم الداخلي (الجزء الأول)…” Subscribe

  1. ناعمة الهمس January 7, 2012 at 12:50 PM #

    صورة الديكور قبل الاخير فظيع جداااا

Trackbacks/Pingbacks

  1. علم النفس، الألوان، والتصميم الداخلي (الجزء الثاني)… | Manzel47 - January 7, 2012

    [...] الأول من الموضوع ؟ عسى يازلكم ؟ وللي طافه الموضوع يضغط هنيه عشان يتابع [...]

  2. علم النفس، الألوان، والتصميم الداخلي (الجزء الثالث)… | Manzel47 - January 12, 2012

    [...] الألوان، والتصميم الداخلي) اللي بدأنا فيه من فتره في الجزء الأول و اللي تكلّمنا في عن اللون البني و الجزء الثاني اللي [...]

Leave a Reply