Archive | March, 2012

يا إلهي على Octium…

يقع متجر Octium للمجوهرات في مجمع 360 درجه بالكويت (إسمحوا لي بقول كلمة متجر بدال محل لانه راقي حيل). طبعاً مالي شغل بالمجوهرات بس ديكور المحل إبداع و رقي و ذوق ! أفتتح في أكتوبر 2009. المتجر من تصميم الفنان المبدع الأسباني Jaime Hayon.

إستمتعوا…!

 

 

 

 

 

 

 

 

 

 

 

 

 

 

 

 

 

Share via email

أروح أدوّر زرع..يطلع لي أوكليف !

في يوم من الأيام قاعد الصبح فاضي و قلت بروح المشاتل بشتري زرع للحديقه عندي بالبيت، و  أنا أفتر أدوّر اللي في بالي، دخلت محل ما أذكر إسمه لانهم غيّروه و صار (HOME & GARDEN) المشاتل، من واللي من بره  شكله مشتل للنباتات الداخلية وإذا به !! محل دورين ! عاد من بلاغت الشف قلت بأصعد أشوف شنو عارضين فوق ! صعدت و يليتني عرفت المحل من زمان ! طبعاً اللي لقيته عنده و كأغلب محلاّت الزرع عندهم أثاث حدائق خارجي، بس اللي شدني أكثر اهو شغل الخشب اللي عندهم و تميت أحوس عندهم و أسوم و أسال إلا اسعارهم على الجوده المقدمه معقوله. أكثر شي عجبني اهي أبوابهم اللي على بالي مصنوعه من خشب و لما سألت قالي لا مصنوعه من مادة الفايبر قلاس !!!!! حزتها ماكان معاي كاميرا إلا اللي بتليفوني “حسافة” فا قلت بروح و ارد لهم مع كامرتي عشان أصور. وهذا اللي صار ! و في يوم من ثاني رجعت و قلت بصور إستأذنت من السيد/ رياز و قالي لازم يكلم صاحب المحل و اللي كان بالصدفه موجود بالمحل السيد/ فراس الغانم “ و 1000 نعم والله ” و بعد إذنه طبعاً بدأت أصور و أسمع السيد/رياز يكلمني عن الماده المستخدمه و اللي قالي إنها مو فايبر قلاس !! بس ماده قريبه عليها تدعى أوكليف ! و عطاني بروشور عن هالماده و لما قرأت عنها لقيت إنها:

  1. لا تتأثر بالرطوبه.
  2. تتحمل الحراره.
  3. لا تحتاج إلى صيانه إذا كانت مدهونه بالورنيش.

و هذه تقريباً أبرز المعلومات اللي تهم من يعيش بالكويت و يتيمتع بجوها “اللهم لا إعتراض” .
وبصراحة الشغل عجيب و كأنه خشب و يمكن أدق من الخشب من ناحية النقش و الحفر اللي عليه. و بالنسبه للأبواب اللي شفتها كانت دمج بين الخشب و مادة الأوكليف و بعضها داخل فيها الزجاج. و شي ثاني بعد شفته لقيت، إن من الماده نفسها مسوين (بانيلات) و ملبسين الحوائط منها و كأنها خشب و أحلى !!! و عندهم بعد خوش طاولات هم بنفس فكرة دمج الخشب و الأوكليف.

كلمة حق تقال بالسيد/ فراس الغانم صاحب محل (HOME & GARDEN) المشاتل: مشكور ما قصرت مو بس على سماحك لي بتصوير معروضاتكم بل و حتى على كل المعلومات اليديده اللي تعلمتها منك. و كذلك ما أنسى السيد/ رياز و رغم إنه ما يقرأ عربي إلا انه من متابعين المدونه !

أخليكم مع بعض الصور.. و الباجي موجود بالمحل.

 

 

 

 

 

 

 

 

Share via email

والله اسكتلندا مو هينه !

Bluebellgray هي شركة إسكتلندية متخصصه في تصميم الخامات (المنسوجات) واللي تأثيرها بالألوان و الورود أو الأزهار واضح من خلال شعار الشركة و منتجاتهم. تعتبر تصاميمهم فريدة من نوعها لأن الشركة ترسم تصاميمها باليد قبل ما يطبعونها على خاماتهم اللي أغلبها من القطن و اللينن.

هذا بعض شغلهم…

 

 

 

 

 

 

 

 

 

 

 

 

 

 

 

 

 

 

 

Share via email

غيّر ريوله..يطلع ويهه !

إبتكرت شركة Prettypegs السويدية تصاميم لأرجل تصلح لكل أثاث إيكيا الخاص ! و تتنوّع تصاميمها من  الأنيق، الممتع، و الغير إعتيادي. أنا أعتقد الحين اللي يبي يغيّر شكل قنفة إيكيا القديمة، يعرف شيسوي !

 

 

 

 

 

 

 

 

 

 للطلب :: Prettypegs

المصدر :: ilsul6ana Blog

المصدر :: Design-Milk

Share via email

الأسطورة عندهم مفروشات ؟

وصلني إيميل إعلاني أمس عن محل الأسطورة. و كأي إيميل إعلاني عادي اسويله دليت أو أمسحه. بس هالإعلان شدني (بموضوعه) لأن اللي أعرفه إن الأسطوره محل للملابس ! تفاجأت لما عرفت إن عندهم أثاث ! حاولت أدخل موقعهم و أعرف شعندهم، بس للاسف و مثل ما كنت متوقع إن موقهم كله ملابس و إكسسوارات.

ملاحظة هاوي تصميم: الإعلان كان جداً عادي و كلش ما يشد ! + موقعهم ما عجبني وحسيته محل عادي مو الأسطورة !كنت متوقع شي أحلى شوي.

 

 

Share via email