Tag Archives: ألوان

ألوان على كيف كيفك…

شخبار متابعينا ؟ شلونكم مع البرد ؟ أدري مقصر معاكم و من زمان ما كتبت موضوع بس هذه الدنيا…
اليوم راد لكم بموضوع على كثر بساطته..الا إنه مهم…شلون ؟ أحياناً الواحد يحتار بتركيب الألوان سواءً في لبسه أو في أثاث بيته… و في ناس ودهم بس ما يعرفون أو يخافون يجازفون خصوصاً إن هالنوع من التجارب غالباً ما يكون مكلف…

و أنا أحوس بالنت لقيت موقع لا صار ولا استوى…هههه
Design Seeds هالموقع يساعدنا على إختيار الألوان اللي تيوز لنا من خلال تركيبات ما تطري لنا على بالنا…

هذه بعض تركيبات الألوان…والباجي بالموقع Enjoy !!!

 

 

 

 

 

 

 

 

 

 

 

 

 

 

 

 

 

Share via email

لونك يفضحك…!

وايد سمعنا عن دراسات تحاول تجمع صفات شخصية في البشر و تطلق عليها أسم مثلا، يقولك الناس ثلاث أنواع:
1.    نوع حسي – لازم يحس بالشي قبل لا يشتريه
2.    نوع بصري ( و أعتقد إني منهم)  – لازم يشوف الشي قبل لا يشتريه
3.    نوع سمعي – لازم يسمع عن الشي قبل لا يشتريه
و يقال إنك بمجرد ما عرفت نوع الشخص اللي بتتعامل معاه، و كونك عارف صفاتهم الشخصيه، يمكنك إقناعه !!
و أغلب اللي يعتمدون على هذه الدراسات أو يهتمون فيها أهم المسوقين (البيّاعين) أو  اللي يشتغلون في خدمة العملاء…و ياريت إللي عنده فكره أكثر عن الموضوع يفيدنا…

ومن هذه التصنيفات هي تصنيف الشخصيه من خلال اللون المفضل عندك…

* إضغط على الصورة للتكبير

*ديروا بالكم لا يفضحكم

Share via email