Tag Archives: Exhibition

ديكو إكسبو @ 360

يقام الآن معرض DECO EXPO المتخصص بالديكور و اليوم يعتبر آخر يوم. المعرض وايد عجبني من تنظيم و مشاركين، و الحلو فيه إن أغلب المشاركين أهما مبدعين و مصممين كويتيين.

و هذا جانب من المشاركين و اللي عجبني شغلهم…

•    سلسال SILSAL

 

 

 

 

 

•    تيراكوتا TERRACOTTA

 

 

•    بهبهاني BEHBAHANI

 

•    آرتي كاسا ARTECASA

 

•    كاربت فاكتوري CARPET FACTORY

ملاحظه :: هالمصنع يسويلك الزوليه اللي تبيها بأي مقاس و أي ديزاين ! و يستخدم الشوارافسكي و الإضاءه LED بعد…

 

 

 

•    انترير آرت INTERIOR ART

 

 

 

 

 

 

 ملاحظه :: هالشركة هي الشركة الأم لـ “قطع من فرح“…

•    البيت الأمريكي AMERICAN HOME

 

•    الصرّاف ALSARRAF

 

 

 

 

 

 ملاحظه :: إذا زرت جناحهم بالمعرض إتحصل على %20 خصم على ورق الجدران.

•    ميز كريتيف كونسبت MAZE C.C

 

 

 

 

 

 

 

 بإختصار :: المعرض يستاهل تروحون له…

أشكر أخوي أحمد المضيّان اللي شاركني زيارة المعرض وما أشكر عبدالله الطراروه…ههههههه

Share via email

أنا مسوي معرض و انا ما أدري ؟

كالعادة قاعد أحوس بالنت و بالمدونات الشقيقة و الصديقة..جان ألقى هالموضوع عند Q8weblog شدني فيه جزئية المعارض القادمة ! ولا في معرض إسمه معرض المنزل ! شكيت بنفسي و قلت أنا مسوي معرض و أنا ما ادري ؟ يا لهوي ! تليقفت و دخلت على الرابط اللي حاطينه…ضاق خلقي أثاري المعرض مو أنا اللي مسويه !

ينظم معرض الكويت الدولي في مشرف معرض المنزل في الفترة من 21.12.2011 وحتى 01.01.2012. يقدم المعرض مجموعة من الأفكار و المنتجات الخاصة في البناء و حتى تجديد المنزل و الأثاث. ومثل ما قريت من موقعهم إن المعروضات راح تكون متنوعة مثل (أثاث المنزل – سجاد وستائر- أنظمة الأمن – إلكترونيات – مصاعد – مطابخ – حمامات – مسابح – صناعات الاسفنج – حديقة منزلي – الأدوات المنزلية – الديكور الداخلي – تحف ولوحات، إضاءة وأكثر)

حمّل البروشور :: 2011_houseexpo_brochure

المكان: معرض الكويت الدولي – مشرف
القاعة: قاعة رقم 6
الفترة: من 21.12.2011 وحتى 01.01.2012
أوقات الزيارة: يومياً من الساعة 9:30 صباحاً و حتى 1:00 ظهراً – ومن 4:30 وحتى 9:30 مساءً – و يوم الجمعة من 4:30 وحتى 10:30 مساءً

Share via email