Tag Archives: Outdoor

“إنه الصيف” من Silent__Soul…

أنه الصيف ! موضوع إقترحته سلوى با وزير أو ( Silent__Soul  ) مثل ما تسمي نفسها في التويتر هي وحده من أروع متابعين المدونه، دايماً تسوي ريتويت للمواضيع، و اللي يعجبني فيها أكثر إنها تقترح مواضيع…وما تتخيلون شلون هالشي يساعدني.

وطبعاً هالموضوع يصلح لمن عنده شاليه أو مزرعة فيها حمام سباحة، لانه عباره عن أثاث خارجي للصيف.

شكراً سلوى و أنتظر منك المزيد ☺
و إستمتعوا بإقتراحها…

 

 

 

 

 

 

 

 

 

 

 

 

 

 

 

 

 

 

 

 

 

الله ربي…المكان مو صج !

المصدر :: Freshome

 

 

Share via email

في الهواء الطلق…

بعض الأماكن الخارجية الملهمة !

 

 

 

 

تعليق :: أما هالحركة رهيــــــــــــــــــــــــــــــبه !!

 

 

 

 المصدر :: Material girls blog

 

Share via email

شي خيال من Kenneth Cobonpue…

‘Cabaret’ هي آخر تشكيلة من المصمم Kenneth Cobonpue. تشكيلة جداً شكلها مريح من أحجام الكراسي و ألوانها العجيبه.

نبذة عن المصمم: بدأ Kenneth Cobonpue الفلبيني الأصل مشوار التصميم سنة 1987، ودرس التصميم الصناعي في معهد برات في نيويورك. و أول ما خلص دراسته تدرب على الجلود والخشب في ورشة في إيطاليا. وفي سنة 1994 درس تسويق الأثاث والإنتاج في ريوتلنجن، ألمانيا.

 

 

 

 

 

 

 

Share via email

يا جماعة خلّص الشتا ؟

صيّفوا الأوادم ! والشباب ليلحين شورتات و دشاديش صيفية الصبح ! إلا البنات ما استانسوا بالبرد و مصريين يلبسون بوتات…و حتى الشركة الفرنسية Ego Paris صيّفوا معانا و نزّلوا KUBE  الكراسي (متعددة الأغراض) الصيفية العجيبة، يعني تبيها كراسي تصير، تبيها طاولة قهوة تصير بعد ! على فكرة تذكرون موضوع (شفيه سطح بيتكم؟) اللي كتبته قبل فترة ؟ هالكراسي تصلح تكون فوق سطح بيتك بعد ما تعدله…تعتبر Ego Paris من أشهر شركات تصميم الأثاث الخارجي سواء للأفراد أو الشركات كالفنادق و المطاعم. و على حسب ما قريت، الشركة دايماً تشارك في معرض INDEX في دبي المتخصص في التصميم الداخلي. فا يالله يا شباب جهزوا الشاليهات ما بقى شي على الصيف.

* مع كل هذا، مازالوا البنات يلبسون بوت !!!

 

 

 

 

 

 

Share via email

جنينة حبّنا !

الدنيا ربيع و الجو بديع..قفلّي على كل المواضيع
شخبار جنينتكم (حديقتكم) ؟ الجو هالأيام عجيب ماشاءالله تبارك الله…

و حرام ما نهتم بالزراعه و لا إنضبط واجهات بيوتنا و حدايقنا…
المشاتل موجودة، و إذا ما تبي تشتري بسعر غالي زور الهيئة العامة لشئون الزراعة والثروة السمكية، في منطقة العمرية.
و تلقاهم غالباً من الساعه ٨:٠٠ لين الساعه ١٢:٠٠ الظهر –  طول أيام الإسبوع و أسعارهم رمزيه.

وقبل فترة زرت أبيات في الشويخ و تفاجأت إن أضافوا عندهم قسم الأثاث الخارجي للحدايق شغلهم حلو..بس الغريب إن ليلحين ما أضافوه في موقهم الالكتروني. و أذكر بعد كان فيه تنزيلات عند هوم آند جاردن (الغانم) المقابل لأبيات و هم شغلهم حلو.

* الله الله

*على فكرة، الأثاث اللي في أبيات و الغانم قريب من الصورة اللي فوق*كرسي الإلهام

* أما الشغل هذا إيطالي و هذا المصدر: http://mobile.bebitalia.com/home.do

* كرسي القرارات المصيرية

Share via email